सत्ता समीकरण परिवर्तनको चर्चा चलिरहेको समयमा नेपाली काँग्रेसले यस विषयमा कुनै कुरा नभएको बताएको छ।

काँग्रेसका प्रचार विभाग प्रमुख मीन विश्वकर्माले आफ्ना सभापति शेरबहादुर देउवा र एमाले अध्यक्ष केपी शर्मा ओलीबीचको भेटमा सत्ता समीकरणकाे बारेमा कुरा नभएको जानकारी दिएका हुन्।

शनिबार ओली निवास बालकोटमा दुई नेताबीच लामो छलफल भएको थियो। त्यसपछि सरकार परिवर्तनको चर्चा चुलिएको छ भने नेताहरूबीच त्रीपक्षीय भेटघाट बाक्लिएको छ।

सोमबार काँग्रेस पदाधिकारी बैठकबाट बाहिरिँदै प्रमुख विश्वकर्माले ओली देउवाको भेट निकै सौहार्दपूर्ण भएको मात्र बताए। उनले पदाधिकारी बैठकमा सत्ता परिवर्तनबारे छलफल नभएको पनि बताए।