नामिबियाका राष्ट्रपति हेज जी जिन्गोबको ८८ वर्षको उमेरमा मृत्यु भएको छ। आइतबार बिहान राजधानी विन्डहोकस्थित ४ बजे लेडी पोहाम्बा अस्पतालमा उपचारका क्रममा निधन भएको राष्ट्रपति कार्यालयले घोषणा गरेको छ।
राष्ट्रपति कार्यालयद्वारा जारी विज्ञप्तिमा भनिएको छ, ‘नामिबियाले जनताको एक जना प्रतिष्ठित सेवक, मुक्ति सङ्घर्षका प्रतीक, हाम्रो संविधानको प्रमुख संरक्षक र सारा नामिबियाई जनताको घरको स्तम्भ गुमाएको छ।’
राष्ट्रपति जिन्गोब क्यन्सरबाट पीडित थिए।
