दाङमा एक पुरुषले रड प्रहार गरी श्रीमतीको हत्या गरेका छन्। तुलसीपुर उपमहागनरपालिका– ४ तल्लो हलवारका ४३ बर्षीय पेण्डुवा चौधरीले ४२ बर्षीया श्रीमती लक्ष्मी चौधरीको हत्या गरेका हुन्।
गएराती करिब १० बजे पेण्डुवाले टाउकोमा रड प्रहार गर्दा लक्ष्मीको मृत्यु भएको जिल्ला प्रहरी कार्यालय दाङका प्रहरी प्रवक्ता तथा डिएसपी जनक बहादुर मल्लले जानकारी दिए।
हत्यापछि पेण्डुवाले आफ्नी श्रीमती हराएको भन्दै खोजी गरिदिन छिमेकीलाई गुहारेका थिए। सहयोगका लागि पुगेका दुई छिमेकी माथि पनि पण्डुले रड प्रहार गरि घाइते बनाएका छन्।
तर उनीहरु सामान्य घाइते भएको प्रहरीले जनाएको छ। उनले रक्सीले मातेका कारण स्टिलको रड प्रहार गरी श्रीमतीको हत्या गरेको प्रहरी प्रारम्भीक अनुसन्धानबाट खुलेको छ।
पेण्डुवालाई गएराती नै पक्राउ गरी अनुसन्धान भइरहेको प्रवक्ता मल्लले बताए।
