मुगुको छायानाथ रारा नगरपालिकाकाले अन्तरजातीय विवाह गरेका एक जोडीलाई पोत्साहनस्वरुप रु. एक लाख उपलब्ध गराएको छ।
छायानाथ रारा– १० चरापगाउँका २५ वर्षीय देवीकृष्ण कामी र सोरु गाउँपालिका– ४ लिब्रकी २४ वर्षीया रञ्जिता बुढाले अन्तरजातीय विवाह गरेपछि उक्त जोडीलाई नगरपालिकाले रकम उपलब्ध गराएको हो।
कामी र बुढाले गत वर्ष माघमा विवाह गरेका थिए। छायानाथ रारा नगरपालिकाले १२औँ नगरसभामा अन्तरजातीय विवाह गर्ने जोडीलाई रु. एक लाख प्राेत्साहन रकम उपलब्ध गराउने निर्णय गरेको थियो। नगरपालिकाको १२औँ नगरसभाले आर्थिक वर्ष २०७९/८० देखि लागू हुने गरी नगरपालिकाभित्र अन्तरजातीय विवाह गर्ने जोडीलाई प्रोत्साहन रकम दिने निर्णय गरिएको नगरप्रमुख विष्णुकुमार भामले जानकारी दिए।
