एसिया कप खेल्न पाकिस्तान र श्रीलंका पुगेको नेपाली राष्ट्रिय क्रिकेट टोली स्वदेश फिर्ता भएको छ। टोली बुधबार दिउँसो त्रिभुवन अन्तर्राष्ट्रिय विमानस्थलमा ओर्लिएको हो।
आयोजक पाकिस्तान र भारतसँग सम्मानजनक खेल खेलेर स्वदेश फर्किएको टोलीलाई विमानस्थलमा नेपाल क्रिकेट संघ (क्यान)का प्रतिनिधिहरुले स्वागत गरेका छन्। भने, एपीएफको टोलीले ब्यान्ड बाजासहित स्वागत गरेको छ।
टोलीले १३ गते पाकिस्तान र १८ गते भारतसँग प्रतिस्पर्धा गरेको थियो। नेपाल दुवै टोलीसँग पराजित भएर समूह चरणबाटै बाहिरिएर प्रतियोगिता नसकिँदै स्वदेश फर्किएको हो।
टोलीले खेल जित्न नसके पनि सम्मानजनक प्रदर्शन गरेर राम्रो चर्चा पाइरहेको छ।
