नेपालमा पछिल्लो २४ घण्टामा ८ हजार १७ जनामा कोरोना भाइरस संक्रमण पुष्टि भएको छ भने १५ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार १५ हजार ७३६ जनाको पीसीआर परीक्षण गर्दा ५ हजार ८१६ जना र ६ हजार ७२ जनाको एन्टीजेन परीक्षण गर्दा २ हजार २०१ जना गरी ८ हजार १७ जनामा संक्रमण पुष्टि भएको हो।
त्यसैगरी गत २४ घण्टामा ५ हजार २९२ जना कोरोना संक्रमण मुक्त भएका छन्।
नेपालमा कोरोनाबाट मृत्यु हुनेको संख्या ११ हजार ६८७ जना पुगेको मन्त्रालयले जनाएको छ।
हाल देशभरमा ९० हजार ५७६ सक्रिय संक्रमित रहेका छन्।
