चर्चित र्यापर तथा रियालिटी शो हिमालय रोडिजका निर्णायक 'लाहुरे' भनिने आशीष राना मगर पक्राउ परेका छन्।
लाहुरेलाई लागूऔषध खैरो हेरोइनसहित प्रहरीले बिहीबार कास्कीको पोखराबाट पक्राउ गरेकाे हाे।
गण्डकी प्रदेश प्रहरी प्रमुख डीआईजी दिवेश लोहनीले घटनाको पुष्टि गर्दै लाहुरे भनिने राना मगर र कारोबारीको समूह पक्राउ परेको बताए।
'लागूऔषध सेवन गरिरहेकै बेला पक्राउ गरेका हौं', पोखरा प्रहरी प्रमुख एसपी रमेश थापाले भने। पक्राउ परेका लाहुरेलाई जिल्ला प्रहरी कास्कीको प्रहरी हिरासतमा राखिएको छ।
