नेपाल क्रिकेट संघ (क्यान) का उपाध्यक्ष राजुबाबु श्रेष्ठ र सचिव अशोकनाथ प्याकुर्यालले राजीनामा दिएका छन्।
बुधबार पत्रकार सम्मेलन गर्दै श्रेष्ठ र प्याकुर्यालले राजीनामा दिने घोषणा गरेका हुन्।
सचिव प्याकुरेलले क्यानलाई स्थापित गर्न आफुले महत्वपूर्ण भुमिका खेलेको र अब नयाँ नेतृत्वलाई अवसर दिन आफुहरुले राजीनामा दिएको बताए।
प्याकुरेलले आईसीसीले क्यानको सदस्यता निलम्बन फुकुवा गरेकै दिन आफूहरुलाई अब पछि हट्नुपर्छ भन्ने लागे तर त्यतिबेला समय अझै परिपक्क भएको छैन भन्ने महशुस गरेको बताए।
उनले आफूहरुले क्यानको विकल्प क्यान नै हो भनेर स्थापित गर्न ठुलो भुमिका खेलेको समेत बताए।
'हामीले क्यानको विकल्प क्यान नै हो भनेर स्थापित गर्न ठुलो भुमिका खेल्यौं । हामीले त्यसका लागि धेरै लडाई लड्यौं। आज त्यो मुद्दा स्थापित भएको छ’, प्याकुरेलले भने, ‘यो उपलब्धिमा हामी गौरवान्वित छौं । यसै गौरवको क्षणमा हामीले अब नयाँ नेतृत्वलाई अवसर दिनका लागि हामी पछि हट्ने निर्णय गरेका छौं।’
.jpg)
