प्रत्येक वर्ष श्रावण शुक्ल पञ्चमीका दिन मनाइने नागपञ्चमी आज (शुक्रबार) परम्पराअनुसार नागको पूजा अर्चना गरी घरका मूलढोकामा टाँसेर मनाइँदै छ।
यसरी नागको तस्वीर टाँस्दा वर्षभर घरमा नाग, सर्प र बिच्छीलगायतका जीवले दुःख नदिनुका साथै अग्नि, मेघ र चट्याङको भयबाट पनि बच्न सकिन्छ भन्ने धार्मिक विश्वास छ।
यसगरी ललितपुरकाे धापाखेलस्थित नागदहमा पनि नागकाे पूजा आराधना गरेर नागपञ्चमी मनाइएकाे छ। नागहरूकाे दहका रूपमा परिचित यस पाेखरीमा प्रत्येक वर्ष नागपञ्चमी र ऋषिपञ्चमीका दिन ठूलो मेला लाग्ने गर्छ। यसवर्ष काेराेना महामारीका कारण दर्शनार्थीकाे कम उपस्थिति रहेकाे थियाे।
काठमाडाैं, ललितपुर र भक्तपुर लगायतका जिल्लाका मानिसहरू आज विहाननै देखि पूजा गर्न नागदहमा आएका थिए। नागपञ्चमीकाे अवसरमा काेराेना महामारीकाे प्रवाह केही नगरी दर्शनार्थीहरूकाे उल्लेख्य उपस्थित रहेकाे थियाे।
