मध्यम र छोटो दूरीका सवारीसाधनमा भाडा समायोजन गरिनुपर्ने माग गर्दै यातायात व्यवसायी आन्दोलनमा उत्रिएका छन्।
सार्वजनिक यातायात केन्द्रीय महासंघ नेपालले बिहीबार ७ बुँदे माग राख्दै प्रदर्शन गरेको हुन्।
चक्रपथका विभिन्न स्थानमा जम्मा भएर उनीहरुले सङ्घीय सरकारले लामो दूरीको सवारीसाधनमा भाडा समायोजन गरेकाले छोटो र मध्यम दूरीका सवारीसाधनमा पनि भाडा समायोजन गर्न माग गरेका हुन्। व्यवसायीहरुले सबै यातायात मजदूरलाई कोभिड विरुद्धको खोप लगाउर्ने पनि माग गरेका छन्।
व्यवसायीहरुले कोभिड खोपको व्यवस्था गर्न, यातायातको भाडा एवम् ट्याक्सीको सुरुवाती कल समायोजन गर्न, मौद्रिक नीतिमा यातायातको समस्यालाई सम्बोधन गर्न, २० वर्ष अवधि पुगेका सवारीको अवधि थप गर्न, यातायातको बीमा छुट गर्न, सडक कानुन लागू गर्न, नवीकरण र जरिवाना छुट गर्नलगायतका माग राखेका छन्।
