अर्थमन्त्री विष्णुप्रसाद पौडेलले आगामी आर्थिक वर्षको बजेटमा भाषणमार्फत् सबै नागरिकलाई कोभिड–१९ विरुद्ध चाँड निःशुल्क खोप उपलब्ध गराउने स्पष्ट पारेका छन्।
अहिले सार्वजनिक भइरहेको उक्त बजेटमा खोपका लागि रु २६ अर्ब ७५ करोड रकम विनियोजन गरिएको छ। जनताको जीवन रक्षा गर्नु सरकारको मुख्य लक्ष्य भएको अर्थमन्त्री पौडेलले बजेटको प्राथमिकतामा उल्लेख गरेका छन्।
अर्थमन्त्री विष्णु पौडेलले आर्थिक वर्ष २०७८/०७९ को लागि बजेट प्रस्तुत गर्दै कोरोना उपचार तथा नियन्त्रणका लागि ३७ अर्ब ५३ करोड बजेट व्यवस्था गरिएको जानकारी दिए।
प्रतिनिधिसभा विघटन भएपछि सरकारले अध्यादेशमार्फत् बजेट ल्याउन लागेको हो।
