प्रधानमन्त्री केपी शर्मा ओलीले कोरोना खोपमा भएको भ्रष्टाचारको नाममा अनुचित हल्ला फैलाउनु गलत भएको बताएका छन्।
सोमबार संसदमा सरकारको विश्वासको मत लिने क्रममा प्रधानमन्त्री आलीले भने, 'कोरोना महामारीका बेला पनि कसैले भ्रष्टाचार गरेको छ भने त्यो क्षमा हुने छैन। सरकारले कारवाही गर्छ। '
'यस्तो अवस्थामा राजनीतिक हिसाबले ममाथि विश्वस छ भन्नको लागि म यहाँ उभिएको हुँ', उनले भने, 'हामीले आफ्नो स्वार्थमा लागेर होइन, अबद्धता र संलग्नतालाई हेरेर होइन, सत्यलाई पछ्याएर निर्णय गर्नु आवश्यक छ । वर्तमान सरकार कुनै हिसाबले विश्वास गर्न नपर्ने सरकार होइन।'
प्रधानमन्त्री ओलीले राष्ट्रियताको पक्षमा, राष्ट्रिय हितलाई सर्वोपरी गर्ने काममा वर्तमान सरकारले कुनै पनि कसूर बाँकी नराखेकाे बताएका छन्।
