वि.सं २०१६ पौष ३० गते दैलेखमा जन्मिएका श्यामल नेपाली साहित्यका एक सशक्त र अब्बल कवि हुन्।
मुख्यतया कविता र निबन्धमा प्रखर कलम चलाउने श्यामलसँग पत्रकारिताको पनि लामो अनुभव छ। त्यतिमात्रै हैन, उनीसँग विकास परामर्शदाता, प्रशिक्षक, अनुवादक र सहजकर्ताको उत्तिकै अनुभव छ।
सशक्त विचार र समय चेतको बलियो पकड उनको कविताका सुन्दर विशेषता हुन्। उनका कविता र अन्य रचनाहरुमा नेपाली समाज, राजनीति र परिवेशको गहन दृष्टिकोण भेटिन्छ। उनै कवि श्यामलको 'तपाईहरु मार्फत', 'हतारमा यात्रा', 'लयब्रह्म' र 'रित्तो गाउँ' कृतिहरु प्रकाशित छन्।
त्रिभुवन विश्वविद्यालयबाट नेपाली भाषा र साहित्यमा स्नातकोत्तर गरेका श्यामलले पत्रकारिता भने ‘मातृभूमी’बाट सुरू गरेका थिए। त्यसयता उनले ‘रूपरेखा’ मासिक, ‘घोषणा’, ‘दृष्टि’ (साप्ताहिक), ‘प्रतिपक्ष’ (साप्ताहिक), ‘नयाँ पत्रिका’ र ‘सौर्य’ (दैनिक)मा सम्पादक तथा सल्लाहकारकाे रुपमा काम गरिसकेका छन्।
उनै कवि, लेखक तथा पत्रकार श्यामलसगँ गरिएको विस्तृत कुराकानी :
