म्यान्मारको आर्थिक राजधानी रंगुन शहर विहानैदेखि सुनसान छ। आइतबार दिनभर जसो आतंकित बनेको रंगुन सोमबार एकाविहानै सुरक्षाकर्मीको नियन्त्रणमा छ।
रंगुनका मुख्य सडकहरूमा मानिस देखिएका छैनन्। सवारी-साधनपनि कहिँकतै चलेको देखिदैन्। र, दशौं हजार मानिसको भिड हुने रंगुन चुपचाप छ। सेनाको दमन तोडेरपनि प्रजातन्त्रको पुनःस्थापना गर्ने प्रदर्शनकारीको भनाई छ। म्यान्मार सेनाले प्रजातन्त्रको हत्या गरेको म्यान्मालीहरू बताउँछन्।
प्रजातन्त्र पुनःस्थापनाका लागि सैन्य 'कू'विरूद्ध नागरिक आन्दोलन तीन हप्तादेखि जारी छ। सोमबारको दृश्य हेर्दा लाग्छ– प्रदर्शनकारी डराएका छन्। उनीहरू स्थानीय समय अनुसार नौं बजेसम्म सडक वरपर देखिएका छैनन्।
रंगुन शहरमा सुरक्षा व्यवस्था कडा पारिएको छ। चरैतिर प्रहरी मात्रै देखिएका छन्। आन्दोलनकारीलाई सडकमा प्रतिबन्द गरिएको छ।
म्यान्मार सैन्य 'कू'विरूद्ध आइतबार शान्तिपूर्ण प्रदर्शनमा प्रहरीले गोली चलाउँदा २४ जनाले ज्यान गुमाएका छन्। आन्दोलनका क्रममा थ्रुपै घाइते भएको ऐरावती पत्रिकाले जनाएको छ।
