युरोपियन च्याम्पियन्स लिग अन्तर्गत अन्तिम १६ को पहिलो खेलमा चेल्सीले एट्लेटिको मड्रिडलाई १-० ले पराजित गरेको छ।
ओलिभर जिरुडले चेल्सीलाई जित दिलाउन ६८औं मिनेटमा शानदार गोल गरे। उनको गोललाई रेफ्रीले सुरुमा अफसाइड दिएका थिए। पछि भिएआर रिभ्यु मार्फत गोलले मान्यता पाएको हो।
कोरोनाको कारण एट्लेटिकोले घरेलु मैदानको खेल रोमानियामा खेलेको हो। दोस्रो लेग मार्च ७ मा चेल्सीको मैदानमा हुनेछ।
