जुम्ला बिहिबार एकै पटक ४२ जनाले काेराेना जितेका छन्।
निर्माण व्यवसायी संघको हलामा निर्माण गरिएकाे आइसाेलेसनमा रहेका २६ जना, जिल्ला कारागार, हिमा गाउँपालिका र कर्णाली स्वास्थ्य विज्ञान प्रतिष्ठानकाे आइसोलेशनमा रहेका क्रमश ८, ६ र २ जना गरी ४२ जनाको नतिजा नेगेटिभ आएकाे सहायक प्रमुख जिल्ला अधिकारी ओमप्रकाश देवकोटाले बताए।
उनीहरु सबैलाई डिस्चार्ज गरिएकाे छ।
निर्माण व्यवसायी संघमा निर्मित आइसोलेसनमा रहेका व्यक्तिहरुलाई नियमित योगा र प्रतिरक्षा बढाउने आयुर्वेद औषधी र कारागारमा रहेका व्यक्तिहरुलाई समेत आयुर्वेद औषधी प्रयोग गरिएकाले थप बल पुगेको आयुर्वेद शाखा जुम्लाका प्रमुख डा प्रतिभा शर्माले जानकारी जानकारी दिइन्।
