वालिङ नगरपालिका ५ प्रहरीले भरुवा बन्दुकसहित एक जनालाई पक्राउ गरेको छ । आइतबार राति माझकोटका ३४ वर्षीय जोगबहादुर चुहानलाई उनकै घरबाट पक्राउ गरेको हाे ।

 लुकाइछिपाइ राखेको भरुवा बन्दुक र बन्दुकमा बारुद भर्न प्रयोग हुने फलामको रड, बारुद, केप र छर्राहरुसमेत फेला पारिएको जिल्ला प्रहरी प्रवक्ता डीएसपी राजेन्द्र अधिकारीले जानकारी दिए ।

चुहानलाई जिल्ला अदालतमा सोमबार १० दिनको म्याद थपको अनुमति लिई थप अनुसन्धान भइरहेको प्रहरीले जनायो ।