नेपालमा थप एक जनाकाे काेराेना संक्रमणबाट मृत्यु भएकाे छ। पछिल्लाे पटक गुल्मीका ६९ वर्षे पुरुषको निधन भएको हाे।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार मृतक छत्रकोट गाउँपालिका ५ मैन डाडाँका पुरुष हुन्। मृतक पुरुष जेठ २५ गते भारतबाट प्यारालाइसिसको उपचार गरी घर फर्किएका थिए।
उनकाे हाेम क्वारेन्टाइनमै बसेकाे बेला असार ५ गते निधन भएको हो। उनको पनि निधन भएपछि मात्रै कोरोना भाइरस संक्रमण पुष्टि भएको हो।
'जेठ २५ गते नमुना संकलन गरी भैरहवा पठाइएकोमा असार ६ गते कोरोना भाइरस संक्रमण पुष्टि भएको हो,' डा गौतमले भने।
नेपाली सेनाको टोलीले ती पुरुषको शव शनिवार व्यवस्थापन गरिसेकेका छ। यो सँगै नेपालमा संक्रमित मृतकको संख्या २३ पुगेको छ।
