कोरोना भाइरसको महामारीले अमेरिकामा एकै दिन ३२ हजारभन्दा बढीमा संक्रमण पुष्टि भएको छ।
पछिल्लो २४ घण्टामा मात्रै ३२ हजार ६२७ जना कोरोना भाइरस संक्रमित थपिएसँगै कुल संक्रमितको संख्या २३ लाख २९ हजार ८१७ पुगेको छ।
आइतबार बिहानसम्म १ लाख २१ हजार ९७९ जनाको मृत्यु भएको छ। पछिल्लो २४ घण्टामा थप ५२७ जनाको कोरोना भाइरस संक्रमणकै कारण मृत्यु भएको छ।
कुल संक्रमितमध्ये ९ लाख ६७ हजार ६७१ जना कोरोना भाइरस संक्रमणमुक्त भएका छन्।
उपचार गराइरहेका १२ लाख ४० हजार १६७ जनामध्ये १६ हजार ५४७ जनाको अवस्था गम्भीर रहेको छ।
