भोजपुरमा नेत्र विक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)का एक विद्यार्थी नेता पक्राउ परेका छन्। 

पौवादुङमा गाउँपालिका ३, च्याङ्ग्रे औलियाका नेकपाको भातृ सङ्गठन अनेरास्ववियु क्रान्तिकारी भोजपुरका जिल्ला अध्यक्ष एवं जिल्ला समिति सदस्यसमेत रहेका २१ वर्षीय विकाश राई किरातीलाई प्रहरीले पक्राउ गरेको हो।

राईलाई गएको आइतबार च्याङ्ग्रेको साङपाङ डाँडामा सार्वजनिक शान्तिविरुद्धको कसुरमा पक्राउ गरी भोजपुर ल्याइएको जिल्ला प्रहरी कार्यालय भोजपुरले जनाएको छ। 

जिल्ला प्रशासन कार्यालय भोजपुरबाट २० दिनको म्याद थप गरी राईमाथि अनुसन्धान भइरहेको प्रहरीले जनाएको छ।