सिद्धार्थ राजमार्गको बुटवल–पाल्पा खण्ड अन्तर्गत सिद्धबाबामा सवारी दुर्घटना भएको छ।

पाल्पाबाट बुटवलतर्फ आउँदै गरेको प्र ३०१-२२ च ४५२२ इसुजुकाे डबल क्याप गाडी सिद्धबाबा मन्दिर नजिकैबाट तिनाउ खोलामा खसेको प्रदेश ५ ट्राफिक प्रहरी कार्यालयका प्रहरी नायब निरीक्षक हुमानन्द खनालले जानकारी दिए।

गाडीमा सवार ६ जना सबै पाल्पाको तिनाउ गाउँपालिकाका टिपर व्यवसायी रहेको उनले बताए।

गाडीमा तिनाउ गाउँपालिकाका दया पाण्डे (चालक), बालकृष्ण बस्याल, कृष्ण बस्याल, नन्दु बस्याल, शिव पाण्डे र बिनोद बस्याल रहेका छन्। 

घाइतेमध्ये दुई जनाको अवस्था गम्भीर रहेकाे छ ।