सोमबार दिउँसो बाँकेको राप्तीसोनारी गाउँपालिकाको अगैया पुलबाट राप्ती नदीमा ट्याक्टर खस्दा बेपत्ता भएका एक जना मृत अवस्थामा भेटिएका छन्।

स्थानीय हेमन्त चौधरीका अनुसार राप्तीसोनारी ३ का ३६ वर्षीय चुर्ण बहादुर थारुको मृत अवस्थामा शव फेला भएको हो । घटनालगत्तै प्रहरीले बेपत्ता भएकाहरुकाे खोजि गरिरहेको थियो ।  
 
सोमबार दिउँसो सिक्टा सिचाई आयोजनाको बाँधमा रहेको पुलबाट ट्याक्टर ड्याममा खसेको थियो। प्रहरीकाअनुसार न १ त ५१८ नम्बरको ट्याक्टर चालकसहित अन्य दुई जना नदीमा खसेकाे हाे ।  

ट्याक्टरका चालक राप्तीसोनारी गाउँपालिका ३ का १७ वर्षीय सुनिल थारु र थप एक जना अझै भेटिएका छैनन्। उनीहरुको खोजी कार्य जारी रहेको इलाका प्रहरी कार्यालय कोहलपुरले जनाएको छ ।