सिद्धार्थ राजमार्गको सिद्ध बाबा क्षेत्रबाट तिनाउ खोलामा जीप खस्दा चालक गम्भीर घाइते भएका छन्। 

बुटवलबाट पाल्पा आउँदै गरेको लु १ ज ४०९३ नम्बरको जीप खस्दा गुल्मीको मालिका गाउँपालिका ५ छापहिलेका २५ वर्षीय ओमप्रकाश अर्याल घाइते भएका हुन्।

दुर्घटनाग्रस्त जीप सडकबाट २०० मिटर तल तिनाउ खोलामा खसेको प्रहरी चौकी दोभानका प्रमुख बालबहादुर घर्तीले जानकारी दिए। जीपमा उनी मात्रै सवार थिए।

घाइते अर्यालको प्रादेशिक अस्पताल बुटवलमा उपचारका लागि पठाइएको प्रहरीले जनाएको छ।