अर्घाखाँचीमा सोमबार थप ३१ जनामा कोरोना संक्रमित थपिएका छन्। प्रादेशिक जनस्वास्थ्य प्रयोगशाला भैरहवामा गरिएको परीक्षण ३१ जनामा कोरोना भाइरसको संक्रमण पुष्टि भएको हो। 

सन्धिखर्क नगरपालिकाकाका २९ जना, पाणिनि गाउँपालिकाका १ र शीतगंगा नगरपालिकाके १ जनामा संक्रमण पुष्टि भएको हो। जसमध्ये दुई जना महिला छन् । संक्रमितहरु १८ देखि ५० उमेर समूहका रहेका छन् ।

जनस्वास्थ्य निरीक्षक गणेशराज पौडेलका अनुसार उनीहरु सबै भारतबाट आएर स्थानीय तहले बनाएको क्वारेन्टाइनमा बसेका थिए। 

योसँगैअर्घाखाँचीमा कोरोना भाइरस संक्रमितको संख्या ३६ पुगेको छ ।