मकवानपुरको हेटौंडा उपमहानगरपालिका–६ को चौघडामा ट्रकले स्कुटरलाई ठक्कर दिँदा एक जनाको मृत्यु भएको छ। बा २ क ७११० नम्बरको ट्रकले अनटेष्ट स्कुटरलाई ठक्कर दिँदा स्कुटरमा सवार एक जनाको ज्यान गएको हो। 

मृत्यु हुनेमा हेटौंडा–६ पुतली बजारका श्यामफुल बलामी रहेको जिल्ला प्रहरी कार्यालय मकवानपुरले जनाएको छ। मंगलबार दिउँसो ट्रकले ठक्कर दिएपछि गम्भीर घाइते भएका बलामीको उपचारको क्रममा हेटौंडा अस्पतालमा मृत्यु भएको प्रहरीले जनाएको छ।