खाँदबारी नगरपालिका–५ का कार्यवाहक वडाध्यक्ष श्यामप्रसाद निरौलामाथि खुकुरी प्रहार गर्ने युवा पक्राउ परेका छन् ।

खुकुरी प्रहार गर्ने बीरबहादुर तामाङलाई गाउँलेहरुले समातेर जिल्ला प्रहरी कार्यालय संखुवासभामा बुझाएको छ । 

उनले शुक्रबार राति ८ बजे वडा कार्यालय नजिकै निरौलामाथि खुकुरी प्रहार गरी गम्भीर घाइते बनाएका थिए । 

अहिले निरौलाको जिल्ला अस्पताल खाँदबारीमा उपचार भइरहेको छ । पछाडिबाट खुकुरी प्रहार गरिएका निरौलाको टाउकोमा १० टाँका लगाइएको छ ।