पूर्व–पश्चिम महेन्द्र राजमार्गमा अन्तर्गत कैलाली गौरीगंगा–९ मा एम्बुलेन्सले मोटरसाइकललाई ठक्कर दिँदा सशस्त्र प्रहरी हवल्दारको मृत्यु भएको छ।
पश्चिमबाट पूर्वतर्फ गईरहेकोे से १ च १८२८ नं को एम्बुलेन्सले बिपरीत दिशाबाट आईरहेको म २ प ५३०३ नंको मोटरसाइकललाई ठक्कर दिँदा उनकाे मृत्यु भएकाे हाे।
मृत्यु हुनेमा गौरीगंगा नगरपालिका–८ घर भई हाल सशस्त्र प्रहरी बेस क्याम्प पहलमानपुरमा कार्यरत सशस्त्र प्रहरी हवल्दार ३५ वर्षीय गोरख ऐर रहेका छन्।
दुर्घटनामा परि गम्भीर घाइते भएका ऐरको घोडाघोडी अस्पताल सुख्खडमा उपचारका क्रममा मृत्यु भएको प्रहरीले जनाएको छ। उनी माेटरसाइकलकाे पछाडि सवार थिए।
मोटरसाइकल चालक घोडागोडी नगरपालिका १० का २८ वर्षीय भरत बोहराको उपचार भइरहेको र उनको अवस्था सामान्य रहेको जिल्ला प्रहरी कार्यालय कैलालीका प्रवक्ता दक्ष कुमार बस्नेतले बताए।
एम्बुलेन्स धनगढी उवमहानगरपालिका १० का ५० वर्षीय आशा राम चौधरीलाई नियन्त्रणमा लिइएकाे छ।
.jpg)
