पाकिस्तानले कोरोना भाइरस (कोभिड–१९) नियन्त्रणको लागि लगाइएको लकडाउन मे ९ सम्म लम्ब्याउने निर्णय गरेको छ।
पछिल्लो समय कोरोनाका संक्रमित तथा मृत्यु हुनेको संख्या निरन्तर बढेसँगै पाकिस्तानले यस्तो निर्णय गरेको हो।
शुक्रबार विकास तथा योजना निर्माणमन्त्री असद उमरले पाकिस्तानमा लकडाउन थप १५ दिन बढाउने निर्णय भएको बताएका हुन्।
पाकिस्तानले मुस्लिमहरुको पर्व रमजानमा सामाजिक दूरी कायम गर्दै प्रार्थना गर्न अनुमति दिएको छ। तर उमरले जिम्मेवार भएर लकडाउन पालना गर्न सबैलाई आग्रह गरेका छन्। उनले सबै मानिस जिम्मेवार नहुने हो भने लकडाउनमा थप कडाइ गरिने चेतावनी पनि दिएका छन्।
अहिलेसम्म पाकिस्तानमा कोरोनाबाट संक्रमितको संख्या ११ हजार सात सय नाघिसकेको छ भने यसबाट दुई सय ४८ जनाको मृत्यु भइसकेको छ।
.jpg)
