मोबाइल फोन इम्पोर्टर्स एशोशिएसन (एमपीआईए) ले महानगरीय ट्राफिक प्रहरी महाशाखालाई ८ हजार थान मास्क हस्तान्तरण गरेको छ ।
सिंहदरबार बग्गीखानास्थित ट्राफिक प्रहरीको कार्यालयमा आयोजित समारोहमा एमपीआईएका अध्यक्ष दिपक मलहोत्रा एवं पदाधिकारीहरुले संयुक्त रुपमा प्रहरी वरिष्ठ उपरीक्षक भीम प्रसाद ढकाललाई सहयोग स्वरुप मास्क हस्तान्तरण गरेका हुन् ।
अध्यक्ष मलहोत्राले कोभिड–१९ महामारी नियन्त्रण गर्ने सरकारी निकायको प्रयत्नलाई सहयोग गर्न एमपीआईएले उक्त मास्क बितरण गरेको बताए।
‘यो सहयोगले कोरोना महामारीविरुद्ध लडिरहेको राष्ट्रिय सुरक्षा निकायलाई थप बल प्रदान गर्ने छ,’उनले भने,‘ यहाँ मात्रै होइन बिभिन्न अस्पतालहरु ,सरकारी कार्यालयहरु र सुरक्षाकर्मीहरुलाई पनि मास्क बितरण गरेका छौं।’ बितरीत मास्क आफ्नै कम्पनीबाट उत्पादन गरिएको उनले बताए।
.jpg)
