प्युठानको गौमुखी गाउँपालिका वडा नं १ अर्खामा मंगलबार बिहान आगलागी हुँदा एक घर पूर्णरूपमा जलेर नष्ट भएको छ। 

उक्त आगलागीबाट घरमा रहेको अन्नपात र कुखुरा जलेर नष्ट भएको स्थानीयवासी मित्र थापाले जानकारी दिए। 'आगलागीपछि हामी स्थानीयले आगो नियन्त्रणमा लिएका हौं', उनले भने, 'आगलागीबाट  रु तीन लाख बराबरको क्षति भएको छ।'

त्यस्तै गौमुखीगाउँपालिका–२ अर्खाका नरे टमटाको पनि गोठ जलेको छ। गोठ जल्दा त्यहाँका काठ, अन्नपात, भाँडाकुँडा, लत्ताकपडासहित करीब रु तीन लाख बराबरको सामग्री पनि जलेर नष्ट भएको स्थानीयवासी थापाको भनाइ छ।