स्वास्थ्य तथा जनसंख्या मन्त्रालयले उपत्यकामा थप दुई ठाउँमा कोरोन भाइरसको परीक्षण गर्ने भएको छ।
शनिबार नियमित मिडिया ब्रिफिङका क्रममा मन्त्रालयका प्रवक्ता डा। विकास देवकोटाले वीर अस्पताल र टेकु अस्पतालमा पनि कोरोनाको परीक्षण गरिने बताए।
आजसम्म मुलुकभर ८२ जना आइसोलेसनमा र ८ हजार ८२ जना क्वारेन्टाइनमा रहेको मन्त्रालयले जानकारी दिएको छ।
हालसम्म देशभरी ४ हजार ४ सय २६ कोरोनाको नमुना परीक्षण भएको मन्त्रालयले जनाएको छ। गत २४ घण्टामा देशभरमा ८ सय ९७ जनाको नमुना परीक्षण भएको छ।
हाल उपत्यकामा राष्ट्रिय जनस्वास्थ्य प्रयोगशालामा परीक्षण हुँदैछ भने सातैवटै प्रादेशिक अस्पतालमा परीक्षण भइरहेको छ।
