यौन भिडियो खिचेर पैसाको बार्गेनिङ गर्ने दुई जनालाई प्रहरीले पक्राउ गरेको छ।

बागबजारको न्यु नमस्ते गेस्ट हाउसमा युवक र युवतीलाई मादक पदार्थ सेवन गराई यौन सम्पर्क गर्न लगाई भिडियो खिचेको आरोपमा दुई जना पक्राउ परेका हुन्। रामेछाप दिमीपोखरीका श्याम राय र सुरज राय रहेको महानगरीय प्रहरी परिसर काठमाडौंले जानकारी दिएको छ।

प्रहरीका अनुसार भिडियो खिचेर सामाजिक सञ्जालमा हालिदिने भन्दै २ लाख ५० हजार रुपैयाँ माग गरेपछि पीडित प्रहरीसमक्ष पुगेका थिए।

प्रहरीले पक्राउ परेकाविरुद्ध मुलुकी अपराध संहिता २०७४ को दफा २५३ अनुसार आपराधिक लाभमा अनुसन्धान गरिरहेको परिसरका प्रमुख एसएसपी उत्तमराज सुवेदीले जानकारी दिए।