सिरहाको कर्जन्हा नगरपालिका–३ जनकचोकस्थित सडकमा मंगलबार बोलेरोको ठक्करबाट एक महिलाको मृत्यु भएको छ।

मृत्यु हुनेमा साेही ठाउँका ६५ वर्षीया कबुत्रीदेवी यादव रहेको प्रहरीले जनाएको छ।

उत्तरबाट दक्षिणतर्फ जाँदै गरेको ज १ च १३६९ नम्बरको बलेरो पिकअपले ठक्कर दिँदा यादव गम्भीर घाइते भएका थिए।

उनको कर्जन्हास्थित फुलकुमारी महतो मेमोरियल अस्पतालमा उपचारको क्रममा मृत्यु भएको जिल्ला प्रहरी कार्यालय सिरहाले जनाएको छ।

ठक्कर दिने बोलेरो र चालकलाई नियन्त्रणमा लिएको प्रहरीले जानकारी दिएको छ।