भारतले आर्मेनियासँग ४ करोड डलर बराबरको रक्षा सम्झौता गरेकोे छ। कुनै बेला सोभियत संघमा रहेको युरोपको इसाई बाहुल्य देशमा भारतले पहिलो पल्ट यति ठूलो मात्रामा रक्षा सम्झौता गरेको हो। 

सरकारी श्रोतले जनाएअनुसार रुस र पोल्यान्ड जस्ता दिग्गज कम्पनीलाई पछि पार्दै भारतले ४ वटा ‘विपन लोकेटिङ रडार (डब्लुएलआर)’ बेच्न लागेको छ। आर्मेनियाका लागि रक्षा अनुसन्धान र विकाश संगठन तथा भारतका लागि इलेक्ट्रोनिक्स लिमिटेडले संयुक्त रुपमा यस राडारको निर्माण सुरु गरेको हो। 

आर्मेनियाले यस अघि रुस र पोल्यान्डको प्रणालीको परीक्षण पनि गरेको थियो। तर, भारत सम्झौता प्राप्त गर्न सफल भयो। विरोधीको हतियार पत्ता लगाएर समाप्त पार्न यसले सेनालाई सहयोग गर्छ। यो तीबै गति, स्वचालित र विरोधीविरूद्ध सटिक लोकेशन पत्ता लगाउने मोर्टार, गोला–बारुद र रकेटको लेन्स हो। यसको मार हान्ने क्षमता ५० किलोमिटरको छ। 

यसको राडारले सहजै विरोधीको हतियार पत्ता लगाएर हमला गर्न सक्छ। यसको लागि दुई मिनेटको समय नै पर्याप्त हुने बताइएको छ।