नेपाल कम्युनिस्ट पार्टी ‘नेकपा’का अध्यक्ष पुष्पकमल दाहाल प्रचण्डमाथि जुत्ता प्रहार भएको छ।
आइतबार राष्ट्रियसभा गृह, भृकुटी मण्डपमा पूर्वउपप्रधानमन्त्री तथा अर्थमन्त्री भरतमोहन अधिकारीको प्रथम स्मृति सभामा सम्बोधन गरेर सिटमा फर्किने क्रममा जुत्ता प्रहार भएको हो। दर्शकदीर्घाबाट उनलाई ताकेर हानेको जुत्ता मञ्चसम्म आइपुगेन।
जुत्ता प्रहार गर्ने व्यक्तिलाई सुरक्षाकर्मीले नियन्त्रणमा लिएको छ। विगतमा पनि प्रचण्डमाथि जुत्ता प्रहार भएको थियो। एक युवकले प्रचण्डमाथि जुत्ता प्रहार गरेका थिए।
को हुन् जुत्ता प्रहार गर्ने व्यक्ति?
जुत्ता प्रहार गर्ने युवकको पहिचान खुलेको छ। उनी जुम्ला सिञ्जाको रतन तिरुवा रहेका प्रहरीले जनाएको छ।
२०/२१ वर्षका उनी लोकसेवा आयोगको परीक्षा तयारीमा थिए। उनका बाबु मोहन तिरुवा सशस्त्र द्वन्द्वमा ज्यान गुमाएका थिए।
