राष्ट्रिय महिला फुटबल टोलीकी फरवार्ड सावित्रा भण्डारी सम्मिलित गोकुलम केरेला एफसी महिला भारतीय (आई) लिगका लागि छनोट भएको छ।
२ लेगको छनोटमा एफसी अलकापुरालाई समग्रमा पराजित ९–१ गर्दै गोकुलम चौथो संस्करणको आइलिगका लागि छनोट भएको हो। बुधबार भएको दोस्रो लेगमा सावित्राले २ गोल गरेपछि गोकुलमले अलकापुरालाई ८–१ ले हराएको थियो।
कमलाले ह्याट्रिक गरेको उक्त खेलमा दयाले २ गोल र मनिषाले १ गोल गरेकी थिइन्। आइतबार भएको पहिलो खेलमा गोकुलम १–० ले विजयी भएको थियो। सावित्रा मंगलबार मात्रै त्यसतर्फ प्रस्थान गरेकी थिइन्।
बंगलुरुस्थित बैंगलोर फुटबल रंगशालामा फागुन २ गते सम्म चल्ने आइ लिगमा गत वर्ष जस्तै १२ टोलीको सहभागिता रहनेछ। सहभागी टोलीलाई २ समूहमा विभाजन गरि राउन्ड रोविन लिग र त्यसमा शीर्ष २ मा पर्ने टोली सेमिफाइनलमा पुग्नेछन्।
नेपालकी अनिता बस्नेत सम्मिलित सेथुसहित बारोडा फुटबल एकेडेमी, बिबिके एफसी, एफसी कोहलपुर सिटी र किक स्ट्राट एफसी समूह ‘ए’ मा छन्।
यस्तै सावित्रा सम्मलित गोकुलमसहित समूह ‘बी’ बैंगलोर युनाइटेड एफसी, विदेश ११ एफसी, ओडिसा पुलिस एफसी, केन्क्रे एफसी, श्री भूमि एफसी छन्।
