सहिद स्मारक ए डिभिजन लिग अन्तर्गत शुक्रबारबाट सातौं चरणका खेल सुरु हुँदैछ।
तालिका अनुसार आज पहिलो दिन एकमात्र खेल मात्रै हुने अखिल नेपाल फुटबल संघ (एन्फा)ले जनाएको छ।
एन्फाका अनुसार आज दिउँसो ३ बजे मछिन्द्र क्लबले दशरथ रंगशालामा हिमालयन शेर्पा क्लबसँग खेल्ने छ।
लिगको एकमात्र अपराजित टिम मछिन्द्रले ६ खेलको समाप्तिमा १३ अंक जोडेको छ। उसले ४ जित र २ बराबरी खेलेको छ।
शेर्पा ४ बराबरी र २ हार सहित ४ अंक जोडेर पुछारदेखि दोस्रोमा छ।