अमेरिकाको मिजौरी राज्यको भ्यान बुरेनमा दुई सुरक्षाकर्मी मारिएका छन् । त्यहाँका गभर्नर माइक पर्सनले सुरक्षाकर्मीलाई बोलाएर घरभित्रबाट गोली प्रहार गरेर मारिएको बताए ।
उनकै भाषामा त्यो एम्बुसमा एक स्टेट ट्रुपर एक सेरिप डेपुटी मारिएका छन् भने एक काउन्टी डेपुटी र स्टेट ट्रुपर घाइते भएका छन् ।
स्थानीय सञ्चार माध्यमहरूले जनाएअनुसार मिजौरी हाइवे गस्ती गर्ने क्रममा शुक्रबार विहान उनीहरू एउटा घरको खानतलासी लिन पुगेका थिए । त्यही क्रममा उनीहरूमाथि घरबाट गोली चलाइएको थियो ।
घाइतेको स्थानीय अस्पतालमा उपचार भैरहेको बताइएको छ ।
यसैबीच घटनामा संलग्न रहेको आशंकामा ३१ वर्षीय जेम्स डी कुमिङ्सलाई पक्राउ गरिएको छ । उनीमाथि सोधपुछ गरिनुका साथै घटनाको अनुसन्धान जारी रहेको बताइएको छ ।
