'युक्रेनको कानून अनुसार जो बाइडेन या हन्टर बाइडेनका सम्बन्धमा अनुसन्धान गर्नुपर्ने कुनै कारण देख्दिन ।'
यो भनाइ हो, युक्रेनका पूर्वमहाअभियोजनकर्ता युरी लुत्सेन्कोको । उनले बीबीसीसँग कुरा गर्दै यस्तो धारणा सार्वजनिक गरेका हुन् ।
उनले अगाडि भनेका छन्- 'उनीहरुका सम्बन्धमा अनुसन्धान गर्नु पर्ने भए अमेरिकामै अमेरिकाले नै गर्नुपर्ने ॆहुन्छ ।'
अमेरिकी राष्ट्रपति डोनल्ड ट्रम्प र उनका युक्रेनी समकक्षी जेलेन्स्कीबिच जुलाई २५ मा भएको टेलिफोन संवादमा राष्ट्रपति ट्रम्पले सन् २०२० को राष्ट्रपति चुनावका उनका सम्भावित प्रतिद्वन्दी जो बाइडेनमाथि भ्रष्टाचार आरोपमा छानबिन गर्न दबाब दिएका थिए । उनीहरूबीचको सम्वादको ट्रान्स्क्रीप्ट सार्वजनिक भएपछि यो तथ्य उजागर भएको छ ।
यही विषयलाई लिएर ट्रम्पमाथिअमेरिकी तल्लो सदनमा महाअभियोगको अनुसन्धान सुरू भएको छ ।
बीबीसीसँगको कुराकानीमा युरीले ट्रम्पका व्यक्तिगत वकिल रुडी जुलियानीसँग भेट भएको स्वीकार गर्दै भेटमा रुडीले बाइडेनमाथि अनुसन्धान गर्न आफूसँग आग्रह गरेको पनि बताए ।
उनले रुडीलाई पनि बाइडेनविरुद्ध युक्रेनमा अनुसन्धान गर्नु पर्ने कुनै कारण नभएको बताएको खुलासा गरेका छन् । ।’
युरी लुत्सेन्को गएको महिना युक्रेनका महाअभियोजनकर्ता पदबाट हटेका हुन् ।
