कतारमा तलव नपाएपछि १० जना नेपाली युवा भोकभोकै रहनुपर्ने अवस्थामा पुगेका छन् ।
यसरी भोकभोकै अवस्थामा पुगेका नेपाली श्रमिकहरू नरेशबहादुर बिक, सिङ्गी तामाङ, रेशम बहादुर पहारी, छबिलाल घले, पृथविक्रम घर्ती, शेरबहादुर बिक, राजेन्द्र खड्का, शहदेव यादव, बेगमबहादुर खड्का र धोमबहादुर खड्का रहेको बताइको छ ।
कतारको टेक्नो-मेटल कम्पनी कम्पनीमा कार्यरत उनीहरूले विगत ८ महिनादेखि तलब पाएका छैनन् । कम्पनीले श्रमिकलाई ८ महिनाको अवधिमा पटकपटक गरी ६ सय रियाल मात्र दिएको बताइएको छ ।
भोकभोकै अवस्थामा रहेका नेपाली श्रमिकलाई जिफन्ट सहयोग समुह, कतार र नेपाली प्रवासी श्रमिक संघले केही खाद्यान्न उपलब्ध गराएको जनाइएको छ ।
