पाकिस्तानका मोहम्मद अबरार विश्वको सबैभन्दा मोटो बालकको रुपमा दरिन पुगेका छन्। मोटोपनाका कारण उनी अहिले अस्पताल भर्ना छन्। चिकित्सकका अनुसार उनको जीवन रक्षाका लागि पेटको सर्जरी आवश्यक छ।

मोहम्मद अबरार ४ युवा बराबरको खाना एक्लै खान्छन्। अबरारकी आमा जरिना आफ्नो छोराको जन्म सामान्य भएको बताउँछिन्। उनका अनुसार जन्म हुँदा छोराको तौल ३ दशमलव ६ किलोग्राम मात्र थियो।

तर, ६ महिना हुँदा छोराको तौलमा अनावश्यक बृद्धि हुँदै २० केजी पुगेको उनको भनाई छ।

‘यसपछि लगातार तौल बढ्दै गयो। अहिले उसको तौल १० बर्ष पुग्दा २ सय किलो छ,’ आमा जरिनालाई बताइन्।

पाकिस्तानी चिकित्सकको दावी अनुसार अबरार विश्वको सबैभन्दा मोटो बच्चा हुन्। अबरारभन्दा अगाडि इन्डोनेसियाका आर्य परमानाको तौल सर्वाधिक मानिन्थ्यो। अबरारको उमेरमा आर्यको तौल १ सय ९० केजी थियो।

अबरार परिवार उनी २ वर्ष हुँदा २ लिटर दुध एक्लैले पिउने गरेको बताउँछन्। मोटोपनाकै कारण अबरार आफ्नो कपडा आफै पहिरिन सक्दैनन्। उनलाई हिडडुल मात्र होइन, बस्न पनि समस्या पर्नेगर्छ।