४ जेठ, काठमाडौं । लैनचौरका आकाश पुडासैनीलाई १६ वैशाखमा महानगरीय ट्राफिक प्रहरी महाशखाबाट फोन आयो, ‘तपाईंले ट्राफिक नियम उल्लंघन गर्नु भएकाले बग्गीखानामा खानामा तुरुन्त आउनू ।’
सुरुमा त उनलाई फोनकर्ता ट्राफिक प्रहरी हो भन्नेमा शंका लाग्यो । ट्रू कलर एपले बग्गीखानाको नम्बर भएको देखाएपछि मोटरसाइकलमा हुइँकिने पुडासैनीले जवाफ फर्काए, मैले लेन मिचेको छैन ।’
फोन गर्ने ट्राफिक प्रहरीले प्रमाण हेर्न बग्गीखाना आउन निम्ता दिए । फोन राखेपछि उनी फ्ल्यासब्याकमा गए, कुन दिन कहाँ लेन अनुशासन उल्लंघन गरेछु । उनले कुनै दिन हतारमा लेन मिचेको हुनसक्ने अनुमान त गरे तर, कहाँ भन्ने ठम्याउन सकेनन् ।
त्यसपछि बग्गीखाना पुगेका उनलाई ट्राफिक प्रहरीले भद्रकालीमा लेन अनुशासन उल्लंघन सीसीटीभी फुजेट देखाए । उनले आफ्नो गल्ती स्वीकार गरे र लेन अनुशासनको एक घण्टे कक्षा लिएर फर्किए ।
