बुटवल – जमीनमुनिको पानी जम्मा पारेर ताल । तालमाथि कोठैकोठा । पानीमुनि पनि कोठा । स्वीमिङ पुल, मोटरबोट, पशुपक्षी, माछापालन र प्राकृतिक सुन्दरतासहितको नेपालकै नमूना कृषि रिर्सोट बन्दैछ रुपन्देहीमा ।
अष्ट्रिच चरा पालेर चर्चा कमाएका बुटवलका उद्यमी सी. पी. शर्माले अर्को नौलो प्रोजेक्ट ल्याएका छन्–पानीमाथि र पानीमुनि बस्न मिल्ने १ सय ८० कोठासहितको रिर्सोट सञ्चालन गर्ने ।
यतिमात्रै होइन, यहाँ पाइने अधिकांश खाद्यान्नदेखि माछामासुसमेत आफ्नै उत्पादन हुनेछन् । जसका लागि शर्माले कालो मासु हुने कालै कुखुरा कडकनाथ पाल्न थालेका छन् । ३० हजारभन्दा बढि संख्यामा कुखुरापालन सुरु गरेका उनले रिर्सोट निर्माणको काम अघि बढाएका छन् ।
