काठमाडौँ : इन्डियन प्रिमियर लिग (आइपीएल) २०१९ मा दिल्ली क्यापिटल्सका लागि खेलेका नेपाली युवा स्टार सन्दीप लामिछाने आइतवार नेपाल फर्किसकेका छन्।
दिल्लीबाट काठमाडौँ आउँदा सन्दीप चढेको एअर इन्डियाको जहाज करिब २ घण्टा आकाशमा होल्ड भयो, सन्दीपले पीएम कप क्रिकेट नखेल्ने जस्ता विषय उनी नेपाल आएपछि चर्चामा छ।
गत वर्ष आइपीएल खेल्ने पहिलो नेपाली खेलाडी बन्दै टी २० क्रिकेटमा समेत डेब्यु गरेका सन्दीपले एक वर्षको अवधिमा नसोचेको चर्चा र सफलता पाए।
