बेरूजु भनेको नियम बिपरित जथाभावी गरिएको खर्च हो। जहाँ बढी बेरूजु हुन्छ, त्यहाँ सुशासन कम र मनपरितन्त्र बढी हुन्छ। 

महालेखा परीक्षकको तथ्यांकले ओली सरकार आएपछि ह्वात्तै बढेको योगदानले सरकारको प्रचण्ड बहुमत राज्यको स्रोत जथाभावी खर्च गर्नमा दुरूपयोग भएको संकेत गरेको छ। अहिलेसम्म  कुल तीन खर्ब ७७ अर्ब ४८ करोड रुपैयाँ बेरूजु भएकोमा ओली सरकारको एक वर्षकै योगदान एक खर्ब ४१ अर्ब पाँच करोड रुपैयाँ हुनु बेरूजुको डरलाग्दो संकेत हो। यो कुल बेरूजको ३७.४ प्रतिशत योगदान हो।