वेस्टइन्डिजविरुद्धको टी–२० सिरिज अफगानिस्तानले कब्जा गरेको छ।
गएराती सम्पन्न सिरिजको अन्तिम खेलमा वेस्टइन्डिजलाई २९ रनले पराजित गर्दै अफगानिस्तानले सिरिज २–१ ले जितेको हो ।
अफगानिस्तानले दिएको १५७ रनको लक्ष्य पछाएको वेस्टइन्डिज २० ओभरमा ७ विकेट गुमाउदै १२७ रनमा समेटियो।
वेस्टइन्डिजका लागि साइ होपले सर्वाधिक ५२ रन बनाए भने एविन लुइसले २४ रन बनाए।
फगानिस्तानका लागि नवीन उल हकले ३ विकेट लिए भने मुजीब उर रहमानम करिम जनत गुलबदीन नैब र रशिद खानले एक एक विकेट लिएका थिए।
यस अघि टस जितेर पहिला ब्याटिंग गरेको अफगानिस्तानले २० ओभरमा ८ विकेट गुमाउदै १५६ रन बनाएको थियो।
अफगानिस्तानका लागि रामनुल्लाह गुरबाजले ७९ रन बनाए। त्यस्तै अस्घर अफगानले २४, मोहमद नाबीले १५ र नाजिबुल्लाह जर्दानले १४ रन बनाए।
वेस्टइन्डिजका लागि शेल्डन कोट्रेल, केसरिक विलियम्स र किमो पाउलले २/२ विकेट लिएका थिए ।
..
अब वेस्टइन्डिज र अफगानिस्तानले सिरिजको एक मात्र टेस्ट २७ नोभेम्बरबाट खेल्दै छन् ।
