भारतले बंगलादेशलाई पहिलो टेस्टमा इनिंग र १३० रनले पराजित गरेको छ। दुई खेलको सिरिजको पहिलो खेलको तेस्रो दिन भारतले बंगलादेशलाई पराजित गरेको हो।
बंगलादेशले पहिलो इनिंगमा १५० रन बनाएको थियो भने भारतले ६ विकेट गुमाएर ४९३ रन बनाएर इनिंग घोषणा गरेको थियो।
त्यस्तै बंगलादेशले आफ्नो दोस्रो इनिंगमा २१३ रन बनाएर अल आउट भएको थियो।
दोस्रो इनिंगमा बंगलादेशलाई अल आउट गर्ने क्रममा मोहमद सामीले ४ विकेट लिएका थिए भने आर आश्विनले ३ विकेट लिएका थिए । त्यस्तै उमेश यादवले २ र इशान्त शर्माले एक विकेट लिएका थिए।
सिरिजको दोस्रो खेल २२ नोभेम्बरमा कोलकोतामा हुने छ।
