फिनल्याण्ड पहिलो पटक युरोकपमा छनोट भएको छ।
शुक्रबार राति भएको खेलमा फिनल्याण्डले लिचेस्टाईनलाई ३–० ले हराएको हो।
जसु तुमिनेले २१ औ मिनेटमा फिनल्याण्डलाई सुरुवाती अग्रता दिलाएका थिए।
६४ औ मिनेटमा तिमु पुक्कीले पेनाल्टीमार्फत फिनल्याण्डको अग्रता दोब्बर बनाए।
पुक्कीले ७५ औ मिनेटमा व्यक्तिगत दोस्रो गोल गर्दै फिनल्याण्डलाई ३–० ले अघि बढाएका थिए।
समूह जेको दोस्रो स्थानमा रहेको फिनल्याण्डले ९ खेलबाट १८ अंक जोड्यो।
उसले एक खेल बाँकी रहदाँ तेस्रो स्थानको ग्रिससंग ७ अंकको अग्रता लियो।
शीर्ष स्थानको ईटालीले ९ खेलबाट २७ अंक छ।
लिचेस्टाईन २ अंक सहित तालिकाको पुछारमा रह्यो ।
