भक्तपुर - नेपाल भ्रमण वर्ष २०२० नजिकिएको छ। तर पनि नेपालकै प्रमुखमध्येको एक पर्यटकीय आकर्षण केन्द्र भक्तपुरको नगरकोटबासीलाई ‘कागलाई बेल पाक्यो हर्ष न विस्मात’ जस्तै भएको छ यतिबेला।
भक्तपुरबाट नगरकोट पुग्ने नगरकोट सडकखण्डको विस्तारमा ढिलाई भई भ्रमण वर्षसम्म पनि निर्माण सम्पन्न नहुने देखिएपछि उनीहरु निराश छन्। सडक विस्तार कार्य सम्पन्न भई भ्रमण वर्षमा पनि पर्यटक तान्न नसकिने भएपछि उनीहरु निराश बनेका हुन्।
दुई वर्षमा सकिने सम्झौताका साथ सुरु भएको भक्तपुरको कमलविनायक भत्केको पाटीदेखि नगरकोटसम्म पुग्ने १६ किलोमिटर लामो सडक विस्तार आयोजना ६ वर्ष वितिसक्दा पनि उल्लेख्य काम हुन सकेको छैन। सडकको दुराअवस्थाकै कारण पर्यटक नआएर हैरान उनीहरुलाई भ्रमण वर्षको महत्वकांक्षी सरकारको योजनाले पनि उत्साहित बनाउन सकेको छैन।
