पर्साको धोबिनी गांउपालिका वडा नम्बर २ स्थित आसवारीको नहर बाटोमा मंगलबार विहान मोटरसाईकल दुर्घटना हुँदा एक जनाको मृत्यु भएको छ। मृत्यु हुनेमा धोबिनी गांउपालिका वडा नम्बर ४ बखरी निवासी ४५ वर्षिय अशोक साह रहेका छन्।
ईलाका प्रहरी कार्यालय पोखरियाका प्रहरी निरीक्षक चन्द्र सिंहका अनुसार उक्त दुर्घटनामा ३५ वर्षीय सुनैना देवी गम्भिर रुपमा घाइते भएकी छिन्।
साहले आफ्नो बहिनीलाई ना २१ प १७७९ नम्बरको मोटरसाईकलबाट भारतको ईनर्वा थानाको खमिया गांउमा ससुरालीमा पु¥याउन जाने क्रममा दुर्घटना भएको प्रहरी निरीक्षक सिंहले बताए ।
